Berbatov

Berbatov kuitema Man Utd

LONDON

WAKALA wa  mchezaji nyota wa Manchester United,Mbulgaria, Dimitar Berbatov,Emil Danchev,amesema kwamba mteja wake ataondoka katika klabu hiyo ifikapo mwishoni mwa msimu huu ili akacheze nchi yoyote  Ulaya.

Wakala huyo alisema ameshakutana na kocha wa mchezaji huyo Alex Ferguson kwazaidi ya mara tatau na ameshakubali kwamba anajaribunkujenga kikosi kipya,kubadili mfumo wa uchezaji  na kuongeza aina ya kasi.

 "Nimekutana mara tatau na kocha wa Manchester United manager, Alex Ferguson.Tumekubaliana kwamba anajaribu kujenga timu mpya,kubadili mfumo wauchezaji na kuongeza kasi zaidi," Danchev alikiambia kituo cha televisheni cha  Bulgarian Canal 3 kwa mujibu wa Shirika la Habari la Ufaransa AFP..

"Kikosi cha Manchester United kijacho hakitamuhussha Berbatov," aliongeza.

Danchev alisema kwamba  mshambuliaji wake huyo mwenye umri wa miaka 31 ana mpango wa kuondoka kabisa  England na kwenda kujiunga na timu nyingine kubwa Ulaya lakini akasema kwamba hakuna hada ya usajili iliyofikiwa.


Alisema kuwa  Manchester United  hawatakataa hatua yoyote ya  Berbatov kutaka kuhama labda waamuae kumuongezea mkataba kwa mwaka mmoja zaidi.

Berbatov alijiunga na Manchester United  mwaka 2008 akitokea katika timu ya Tottenham Hotspur,lakini siku za hivi karibuni amelipoteza soka lake hali ambayo imezua tetesi kwamba huenda akaondoka.